Վրաստանի և ՌԴ-ի քաղաքացիներից Մեծ Բրիտանիայով ճանապարհորդելու համար տարանցիկ վիզա կպահանջվի
Վրաստանի և Ռուսաստանի քաղաքացիները սեպտեմբերի 8-ից պետք է տարանցիկ վիզա ստանան Միացյալ Թագավորության տարածքով այլ երկրներ մեկնելու համար։ Այս մասին գրում է aliq.ge-ն։
Մեծ Բրիտանիայում օրենսդրական ակտերն ուժի մեջ են մտնում խորհրդարանին ներկայացվելուց ոչ շուտ, քան 21 օր հետո, իսկ այս օրենսդրական ակտն ուժի մեջ է մտել խորհրդարանում ներկայացվելուց ընդամենը մեկ օր անց. պատճառը կապված է լուրջ մտավախությունների հետ, որ Վրաստանի և Ռուսաստանի քաղաքացիների թիվը, ովքեր մեկնում են Մեծ Բրիտանիա և ժամանումից հետո ապաստան են խնդրում, զգալիորեն աճում է:
Բրիտանական իշխանությունների տվյալներով, 2018 թվականից Վրաստանի և Ռուսաստանի քաղաքացիները մշտապես առաջին տեղն են զբաղեցնում այն երկրների շարքում, որոնք չարաշահում են Մեծ Բրիտանիայի տարանցման դրույթները՝ ապաստան հայցելու համար։
