Հայկ Մամիջանյանին թիրախավորելով, ոմանք հույս ունեն, որ ընդդիմության պայքարը կարող են ներկայացնել որպես օրենքից դուրս հնչող կոչեր․ Արտակ Զաքարյան
Արտակ Զաքարյանը ֆեյսբուքյան իր էջում գրում է․ ««Պատիվ ունեմ» խմբակցության ղեկավար Հայկ Մամիջանյանին թիրախավորելով, ոմանք հույս ունեն, որ ընդդիմության պայքարը կարող են ներկայացնել որպես օրենքից դուրս հնչող կոչեր:
Հանգստացեք պրոիշխանական (այսինքն` հակահայկական) աղջիկներ և հակառակը: Ընդդիմությունը երբեք ու երբեք այնպիսի քայլերի չի գնացել, որը կարող է խաթարել մեր վտանգված երկրի ներքին կայունությունը: Դուք ձեր արշինով մի չափեք մյուսներին:
Դուք որ հասցրել եք հեղել հազարավոր երիտասարդ մարդկանց արյուն և խեղել հազարավոր ճակատագրեր, դեռ չի նշանակում, որ բոլորն են ձեր պես: Մեզ համար թանկ է յուրաքանչյուր հայի անվտանգությունն ու համերաշխությունը:
Այդ դուք կարող եք միմյանց դեմ հանել ու թշնամացնել հայ մարդկանց, ոչ թե ընդդիմությունը:
Այդ դուք կարող եք անտերության մատնել երկիրը, 120.000 մեր հայրենակիցներին, և անամոթաբար արդարանալ, ոչ թե ընդդիմությունը:
Այդ ձեր սրտերն էին փառավորվում տարիներ առաջ, երբ Երևանի կենտրոնում զանգվածային բախումբերով միտինգներ էիք կառավարում:
Այդ դուք էիք պատերին տալիս, ասֆալտին փռում, դավադրական մուրճով քարոզարշավներ անում, դատարաններ շրջափակում և վերջապես մեր ժողովրդի արյուն- քրտինքով ձեռքբերած հաղթանակները թշնամուն նվիրում, ոչ թե ընդդիմությունը:
Հանեք ձեր ներքաղաքաքական վախի ակնոցները և մի պղտորեք մարդկանց հոգիները ձեր շինծու տեղեկատվական արշավներով:
Հանդարտվե´ք, նիկոլիզմի մունետիկներ, ամեն բան լա´վ է լինելու: Մ
եր պետության հավիտենականության և հայկական Արցախի համար մենք պայքարելու ենք»:
