Անհրաժեշտ է զուգահեռաբար օգտագործել Աղդամ (Ակնա)-Ստեփանակերտ և Լաչին-Ստեփանակերտ ճանապարհները. Բայրամով
Ադրբեջանի արտաքին գործերի նախարարության ղեկավար Ջեյհուն Բայրամովը Հայաստանին մեղադրել է «անջատողականություն հրահրելու» համար՝ «թույլ չտալով ապրանքների տեղափոխումը Լաչինի միջանցքով»։ Այս մասին նա հայտարարել է Կարմիր խաչի միջազգային կոմիտեի նախագահ Միրյանա Շպոլյարիչի հետ հանդիպման ժամանակ, հայտնում է Кавказское бюро-ն։
Բայրամովի խոսքով՝ շրջափակման մասին Հայաստանի հայտարարությունները «անհիմն են» և որ ներկայում Լաչինի միջանցքով երկու ուղղությունով ապահովված է հայազգի բնակիչների ամենօրյա երթևեկությունը։
Նա Երևանին մեղադրել է «պայմանավորվածությունները չկատարելու» համար:
«Անհրաժեշտ է զուգահեռաբար օգտագործել Աղդամ (Ակնա) – Ստեփանակերտ և Լաչին-Ստեփանակերտ ճանապարհները՝ ԿԽՄԿ-ի միջնորդությամբ և Ադրբեջանի օրենսդրության և համապատասխան ընթացակարգերի պահպանմամբ հայազգի բնակիչների կարիքները բավարարելու համար», – ասել է Բայրամով:
