Մարոկկոյում երկրաշարժից հետո շարունակվում են փրկարարական աշխատանքները
Մարոկկոյում զինվորականներն ու փրկարարները բեռնատարներով ու ուղղաթիռներով շարունակում են հեռավոր լեռնային քաղաքներ մտնելու փորձերը՝ երկրաշարժից հետո փլատակների տակ ողջ մնացածներին փրկելու համար: Վերջին տվյալներով՝ երկրաշարժի զոհ է դարձել 2497 մարդ, ևս 2476-ը վնասվածքներ են ստացել: Այս մասին հայտնում է «Ինտերֆաքս»-ը՝ վկայակոչելով տեղի ԶԼՄ-ները:
Ընդհանուր առմամբ, ՄԱԿ-ի գնահատականներով, տուժել է մոտ 300 հազար մարդ:
Մարոկկոյի իշխանություններն առայժմ ընդունել են առաջարկված օգնությունը միայն չորս երկրներից՝ Մեծ Բրիտանիայից, Իսպանիայից, Քաթարից և ԱՄԷ-ից, թեև օգնության պատրաստակամություն են հայտնել նաև Ֆրանսիան, Թուրքիան, Ալժիրը և Իսրայելը: Երկրում աշխատանքի մեկնարկին պատրաստվում են փրկարարների և կամավորների մի քանի խմբեր:
Սեպտեմբերի 10-ին Մարոկկոյի թագավոր Մուհամեդ 4-րդը եռօրյա սուգ Է հայտարարել:
Մարոկկոյում սեպտեմբերի 8-ի ուշ երեկոյան 6,8 մագնիտուդով երկրաշարժ է տեղի ունեցել: Էպիկենտրոնը գտնվել է մոտ 11-18 կմ խորության վրա ՝ Մարաքեշից 70 կմ հարավ: Այն դարձել է ամենաուժեղը վերջին 120 տարվա ընթացքում, ընդ որում Հյուսիսային Աֆրիկայում նման տարերային աղետները համեմատաբար հազվադեպ են տեղի ունենում
