Վիրաբույժը թվարկել է քաղցկեղի այն տեսակները, որոնք սպառնում են ալկոհոլը չարաշահող մարդկանց
Ալկոհոլը չարաշահող մարդիկ մի քանի տեսակի քաղցկեղով հիվանդանալու վտանգի տակ են, զգուշացրել է վիրաբույժ Ալեքսանդր Ումնովը։ Ըստ shantnews-ի՝ NEWS.ru-ին տված հարցազրույցում նա թվարկել է հարբեցողներին սպառնացող ուռուցքաբանական հիվանդությունները։
Նրա խոսքով՝ ալկոհոլը չարաշահողների մոտ առկա է լյարդի և լեղապարկի, ենթաստամոքսային գեղձի, բերանի խոռոչի և կոկորդի, աղեստամոքսային տրակտի, միզասեռական համակարգի, կրծքավանդակի քաղցկեղի առաջացման վտանգ:
«Ալկոհոլի քայքայման արգասիքները, օրինակ՝ ացետալդեհիդը, վնասակար ազդեցություն են ունենում բջիջների վրա, ինչը մուտացիաներ է առաջացնում, իսկ դա հանգեցնում է քաղցկեղի բջիջների առաջացմանը»,- ասել է Ումնովը։