Թուրքիայում հարցվածների 81 տոկոսը կարծում է, որ տնտեսությունը վատ վիճակում է

Թուրքական «Turkey Report»-ը կիսվել է «Istanbul Economy Research»-ի կողմից 2023-ի օգոստոսի 4-11-ը անցկացված հարցման արդյունքներով, որ անցկացվել է Թուրքիայի 26 նահանգներում 2000 մարդու մասնակցությամբ: Ըստ ermenihaber.am-ի՝ նշվում է, որ մայիս ամսից բացասական կարծիքների աճ է նկատվում։

Ըստ այդմ՝ օգոստոսին տնտեսության ընթացիկ ընթացքը «Շատ վատ» կամ «Վատ» գնահատողների ցուցանիշը կազմել է 81%։ Սա նշանակում է, որ 10 հարցվածներից մոտ 8-ը տնտեսության վիճակը համարում է վատ։

Հարցվածների 12%-ը կարծում է, որ տնտեսական վիճակը «Ոչ լավ է, ոչ՝ վատ»։ Միայն 7%-ն է տնտեսության ներկա վիճակը գնահատում «Լավ» կամ «Շատ լավ»։

Ուշագրավ է, որ տնտեսության վիճակը բացասական են գնահատել հիմնականում ուսանողներն ու մասնավոր հատվածի վարձատրվող աշխատակիցները։