Ուկրաինան 2024 թվականի գարնանը նախատեսում է կիրառել F-16 կործանիչները․ երկրի ՊՆ ղեկավար
Ուկրաինայի պաշտպանության նախարար Օլեքսեյ Ռեզնիկովն ակնկալում է, որ 2024 թվականի գարնանը զինված ուժերը մարտական գոտում կօգտագործեն F-16 կործանիչներ։
Նա պարզաբանել է, որ դաշնակիցների հետ արդեն համաձայնեցվել է դրանց տեղափոխումը և օգտագործման ուսուցումը։
«Քանի որ այսօր կա ուսուցման թույլտվություն, կան երկրներ, որոնք հայտարարել են ուսուցանելու մասին։ Եվ նույնիսկ կան երկրներ, որոնք պատրաստ են փոխանցել մեզ F-16 վերապատրաստման ու ենթակառուցվածքի նախապատրաստման ավարտից հետո»,- ասել է Ռեզնիկովը Укринформ-ին։
Ըստ նախարարի՝ օդաչուների պատրաստման նվազագույն ժամկետը 6 ամիս է։
