«Մերսեդեսի» վարորդը, չենթարկվելով ազդանշաններին, դիմել է փախուստի

Արագածոտնի մարզի պարեկները Թալին քաղաքում ծառայություն իրականացնելիս ստուգման նպատակով փորձել են կանգնեցնել անկանոն ընթացող «Մերսեդես» մակնիշի մի մեքենա, սակայն վարորդը չենթարկվելով ազդանշաններին՝ դիմել է փախուստի։ Պարեկները մեքենան հայտնաբերել են: Արտաքին զննությամբ սրահի տեսանելի մասում պարեկները նկատել են մարիխուանայի նմանվող դեղնականաչավուն զանգվածով կաթուցիչ։

Ապօրինի թմրաշրջանառության հերթական դեպքը Ագարակում իրականացրած ծառայության ժամանակ են բացահայտել: Ագարակում հայտնաբերել, ձերբակալել ու, մեքենայով հանդերձ, Աշտարակի բաժին են տեղափոխել երեք երիտասարդների։ 21-ամյա ուղևորի խուզարկությամբ հայտնաբերվել են մոխրացած հետքերով կաթուցիչ և պլաստմասսե տարա։

Երկու դեպքով էլ կազմված փաստաթղթերը ներկայացվել են տարածքային քննչական վարչություն։ Հանգամանքները պարզվում են։