Իսպանիան Leopard տանկերի և զրահամեքենաների նոր խմբաքանակ է ուղարկել Ուկրաինա
Իսպանիայի կառավարությունը Leopard 2A4 տանկերի և զրահափոխադրիչների նոր խմբաքանակ է ուղարկել Ուկրաինա: Այս մասին հայտնում է ՏԱՍՍ-ը՝ վկայակոչելով պաշտպանության նախարարության մամուլի հաղորդագրությունը:
Հուլիսի 24-ին Սանտանդերի նավահանգստից դուրս է եկել մի նավ՝ ռազմական եւ հումանիտար բեռներով՝ նախատեսված Ուկրաինայի համար։ Սպասվում է, որ ամբողջ բեռը կարող է հանձնվել Կիեւին օգոստոսի սկզբին։ «Մասնավորապես, Իսպանիայի ուղարկած բեռը կազմված է չորս Leopard 2A4 տանկերից, որը խոստացել էր կառավարությունը, դրանք կգումարվեն վեց Leopard 2-ներին, որոնք արդեն հանձնվել են Ուկրաինայի կառավարությանը»,- նշել են նախարարությունում։
Գերատեսչությունում հստակեցրել են, որ Կիև են ուղարկվել նաև 10 զրահամեքենա, 10 բեռնատար, շտապօգնության մի քանի մեքենա և տարբեր զինամթերք:
