2023 թվականի հունիսին եկամուտ ստացող աշխատատեղերի թիվը կազմել է 719 հազար 274. ՀՀ ՊԵԿ
Հարկ վճարողների կողմից 2023 թ. հունիս ամսվա համար ներկայացված եկամտային հարկի և սոցիալական վճարի հաշվարկների տվյալներով` եկամուտ ստացող աշխատատեղերի թվաքանակը կազմել է 719 հազար 274, ինչը գերազանցել է նախորդ տարվա նույն ամսվա ցուցանիշը 38 հազար 224-ով կամ 5.6 տոկոսով:
Այս մասին հայտնում են Պետական եկամուտների կոմիտեից, միաժամանակ նշելով, որ հարկ վճարողների կողմից դուրս գրված հաշվարկային փաստաթղթերի (այդ թվում` ՀԴՄ կտրոնների) տվյալներով` 2023 թ. հունիս ամսվա ընթացքում իրականացվել է 55.4 մլն գործարք` 1044.5 մլրդ ՀՀ դրամ արժեքով, ինչը գերազանցել է նախորդ տարվա նույն ժամանակահատվածի ցուցանիշը` քանակային 2.6 մլն գործարքով կամ 5.0%-ով, իսկ արժեքային` 204.7 մլրդ ՀՀ դրամով կամ 24.4%-ով:
