Իսրայելի վարչապետի այցը Թուրքիա հետագվել է
Իսրայելի վարչապետ Բենիամին Նեթանյահուն ստիպված է եղել հետաձգել իր նախատեսած այցերը Թուրքիա և Կիպրոս։ Հետաձգման պատճառը Նեթանյահուի սրտի վիրահատությունն է, որ տեղի է ունեցել նախօրեին։ Այս մասին տեղեկացնում է ermenihaber.am-ը։
Իսրայելի վարչապետին վիրահատել են` տեղադրելով սրտի արհեստական ռիթմավար: Նշվում է, որ նման վիրահատական միջամտությունից հետո Նեթանյահուն պետք է մի քանի շաբաթ մասնագետների հսկողության տակ լինի։
Հիշեցնենք, որ դեռևս հուլիսի 15-ին վատ ինքնազգացողության պատճառով Նեթանյահուին տեղափոխել էին հիվանդանոց։ Թեև հետազոտության ժամանակ սրտի հետ կապված խնդիրներ չէին հայտնաբերվել, բայց բժիշկներն այնուամենայնիվ անհրաժեշտ են համարել տեղադրել սրտի արհեստական ռիթմավար:
