Շառլ Միշելը լեգիտիմացնում է Արցախի շրջափակումը․ Ռուբեն Վարդանյան
Շառլ Միշելը լեգիտիմացնում է Արցախի շրջափակումը՝ հավանություն տալով Աղդամով անցնող ճանապարհն օգտագործելու Ադրբեջանի առաջարկին, թվիթերում գրել է Արցախի նախկին պետնախարար Ռուբեն Վարդանյանը։
Վարդանյանի խոսքով՝ միջնորդները նպաստում են նոր խնդիրների առաջացմանը․
«ԵՄ-ի կողմից ադրբեջանական տերմինաբանության ընդունումը Ալիևի ռեժիմի համար կարող է պատրվակ ծառայել արցախցիների դեմ լրացուցիչ հանցավոր գործողությունների համար։ Եվս մեկ լուրջ խնդիր է առաջանում, երբ ժողովրդավարական արժեքների կողմնակից ԵՄ-ն իր նախաձեռնություններում աջակցում է ավտոկրատ Ադրբեջանին՝ դրանով իսկ ակամայից հավանություն տալով էթնիկ զտումների և արցախահայության՝ իրենց նախնիների հողերից բռնի տեղահանման քաղաքականությանը»- գրել է նա։
By endorsing Azerbaijan’s proposal to utilize the road through Aghdam, @CharlesMichel lends legitimacy to the blockade of #Artsakh. Consequently, rather than resolving the existing problems, the mediators may inadvertently contribute to the emergence of new ones.
The adoption…
— Ruben Vardanyan (@RubenVardanyan_) July 17, 2023
