Վիտալի Բալասանյանը չի կալանավորվի. դատարանը մերժել է միջնորդությունը
Արցախի Հանրապետության ընդհանուր իրավասության առաջին ատյանի դատարանը մերժել է Արցախի հերոս Վիտալի Բալասանյանին կալանավորելու միջնորդությունը։ Այս մասին 168․am-ի հետ զրույցում ասաց Բալասանյանի փաստաբան Ռաֆայել Մարտիրոսյանը։
«Հիմնավոր կասկածի շեմը դատարանը համարեց չհաղթահարված։ Դեռ չեմ հասցրել որոշմանը ծանոթալ։ Թե քանի հոդվածով հաղթահարված չէ, դեռ չեմ կարող ասել»,-ասաց Ռաֆայել Մարտիրոսյանը։
Հիշեցնենք, որ Վիտալի Բալասանյանը ձերբակալվել էր հուլիսի 14-ին։ Նա կասկածվում է իշխանության նկատմամբ բռնություն գործադրելու կամ բռնություն գործադրելու սպառնալիք հնչեցնելու մեջ։ Հուլիսի 17-ին Վիտալի Բալասանյանին կալանավորելու միջնորդություն էր ներկայացվել դատարան։
