Պուտինն ասել է՝ որն է «աշխարհի լավագույն» տանկը
ՌԴ նախագահ Վլադիմիր Պուտինը ռուսական Տ90 «Պռոռիվ»-ն անվանել աշխարհում լավագույնը։ Նրա խոսքերը մեջբերվել են լրագրող Պավել Զարուբինի թելեգրամյան ալիքում։
«Տ90 «Պռոռիվ» տանկը լավագույն տանկն է աշխարհում։ Առանց չափազանցության»,- ասել է Պուտինը՝ ընդգծելով, որ Ռուսաստանն ունի արդյունավետ ժամանակակից տեխնիկա։
Նա նշել է, որ Արևմուտքում արտադրված և Ուկրաինայում պատերազմի ժամանակ որպես ռազմավար ձեռք բերված տեխնիկան կդառնա ռուս մասնագետների ուսումնասիրության առարկա։
«Հակառակորդն արտադրում է ժամանակակից տեխնիկա, և եթե հնարավորություն կա ներս նայելու և տեսնելու՝ արդյոք կա՞ ինչ-որ բան, որ կարող ենք մենք կիրառել, ինչո՞ւ ոչ»,- ամփոփել է երկրի ղեկավարը։
