Թուրքիայում հերքել են, թե Ստամբուլի բոլոր 39 թաղամասերում արգելել են օտարերկրացիներին բնակության թույլտվություն տալ
Թուրքիայի միգրացիայի վարչությունը Twitter-ում մի փաստաթուղթ է հրապարակել, որում հերքում է լրատվամիջոցների այն պնդումները, թե թուրքական իշխանություններն արգելել են բոլոր օտարերկրացիներին կացության թույլտվություն տալ Ստամբուլի բոլոր 39 թաղամասերում՝ մի քանի բացառությամբ։
Շաբաթ օրը Milliyet թերթը պնդեց, որ Ստամբուլում, որտեղ ապրում է ավելի քան 1,294,000 օտարերկրյա քաղաքացի, օտարերկրացիներին կեցության թույլտվության տրամադրումը դադարեցվել է, բացառությամբ մի քանի անհրաժեշտ դեպքերի։ Թերթը պնդել է, որ 2022 թվականի հոկտեմբերին կացության թույլտվության տրամադրումն արգելելու մասին որոշումը տարածվել է Ստամբուլի 10 թաղամասերի վրա, մարտին այն տարածվել է բոլոր 39 թաղամասերի վրա։ Բացառություն են կազմում նրանք, ովքեր ժամանել են կյանքի անվտանգության, առողջության պահպանման, կրթության և միջազգային առևտրի նպատակով։
Риа գործակալությունը հիշեցնում է, որ դեռ հունվարին հաղորդվում էր, որ թուրքական իշխանությունները խստացրել են զբոսաշրջային կացության թույլտվության համար օտարերկրացիների դիմումների քննումները, իսկ առանց Թուրքիայում որպես զբոսաշրջիկ գտնվելու ապացույցի՝ քարտ չի տրամադրվում։ Դրանից հետո ռուսները սկսեցին զանգվածաբար բողոքել զբոսաշրջային կացության թույլտվություն տրամադրելու մերժումների կամ գոյություն ունեցողը փաստաթուղթը երկարաձգելուց հրաժարվելու մասին։
Թուրքիայի նախագահ Ռեջեփ Թայիփ Էրդողանը հինգշաբթի օրը հայտարարել էր, որ Թուրքիայի քաղաքացիները շուտով փոփոխություններ են զգալու անօրինական միգրանտների դեմ պայքարի գործողությունների արդյունքում։
