«Սուրբ Հովհաննես» մատուռի մոտ ոտքի վնասվածքներ ստացած քաղաքացիներին օգնության են հասել փրկարարները
Հուլիսի 2-ին, ժամը 14։35-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղի «Սուրբ Հովհաննես» կոչվող մատուռի մոտակայքում քաղաքացին ընկել և վնասել է ոտքը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները Լ․ Պ․-ին (ծնված 1978 թ․) պատգարակով իջեցրել (մոտ 200 մետր) և մոտեցրել են շտապօգնության ավտոմեքենային։
Փրկարարները ճանապարհին նկատել են Հ․ Գ․-ին (ծնված 1970 թ․) և Հ․ Մ․-ին (ծնված 1964 թ․)՝ ոտքի վնասվածքով, փրկարարական ավտոմեքենայով իջեցրել են (մոտ 3 կմ) և մոտեցրել շտապօգնության ավտոմեքենային։
