«Ինչպե՞ս կարող է բուհի դիպլոմ չունեցողը պետության ղեկավար աշխատել, իսկ բնակավայրերի ղեկավարները պաշտոնից ազատվում են, քանզի բուհի դիպլոմ չունեն». Ոսկան Սարգսյան
Ոսկան Սարգսյանը ֆեյսբուքյան իր էջում գրում է․ «Ինչպե՞ս կարող է բուհի դիպլոմ չունեցող Նիկոլ Փաշինյանը 5 տարի վարչապետ, պետության ղեկավար աշխատել, իսկ 1000-ից ավել բնակիչ ունեցող բնակավայրերի վարչական ղեկավարները օրենքի համաձայն՝ պաշտոնից ազատվում են, քանզի բուհի դիպլոմ չունեն։
Օգոստոսի 20-ից Հայաստանի հանրակրթական դպրոցների 1300 ուսուցիչներ աշխատանքից ազատվելու են, քանի որ նրանց կրթությունը թեև մանկավարժական է, սակայն՝ միջին մասնագիտական , նրանք բուհի դիպլոմ չունեն։ Դիպլոմը ընդամենը գերբավոր թուղթ է, տգետը տգետ է, լինի դիպլոմավոր, թե՝ առանց դրա։ Գյուղերում դիպլոմավոր տգետների մասին ասում են՝ դիպլոմը վիշի, գլուխը ՝ էշի»։
