Հունիսի 1-ից՝ բոլոր մարզային քաղաքներում ստորագրահավաքը կմեկնարկի․ Շարմազանով
Էդուարդ Շարմազանովը ֆեյսբուքյան իր էջում գրում է․ ««Ոչ Արցախի էթնիկ զտմանը»
«Ոչ Արցախն Ադրբեջանի կազմում»
ստորագրահավաքին կարող եք միանալ Երևանում՝ «Մոսկվա» կինոթատրոնի հարևանությամբ,Կասկադի շրջակայքում և մետրոյի «Երիտասարդական» կայարանի մոտակայքում։
Երևանում ստորագրահավաքը մեկնարկել է շաբաթներ առաջ։
Բազմահազար, տասնյակ հազարավոր և նույնիսկ հարյուր հազարից ավել քաղաքացիներ արդեն միացել են ստորագրահավաքին միայն մայրաքաղաքում։
Արարատ և Մասիս քաղաքներում ստորագրահավաքն արդեն մեկնարկել է։
Հունիսի 1-ից՝ բոլոր մարզային քաղաքներում ստորագրահավաքը կմեկնարկի։
Սա ոչ քաղաքական և ոչ էլ առավել ևս կուսակցական հարց է։
Սա ազգային գոյաբանական հարց է։
Մենք պարտավոր ենք մեր «ոչ»-ը ասել Արցախի ադրբեջանացմանը։
Արցախը չպետք է լինի Ադրբեջանի կազմում։
Աստծով»։
