Թբիլիսիում կրակել են բիզնեսմենի վրա
Թբիլիսիի Վակե թաղամասի Շատբերաշվիլի փողոցում հրազենից տղամարդ է վիրավորվել, որից հետո շտապօգնությունը նրան տեղափոխել է հիվանդանոց։
Ըստ aliq.ge-ի՝ տեղեկություններ կան, որ վիրավորվածը բիզմեսմեն Դեմուր Խաբուլիանին է: Ականատեսների խոսքով, օրվա առաջին կեսին Խաբուլիանին կոնֆլիկտ է ունեցել անհայտ անձանց հետ, ապա, ենթադրաբար, նույն անձինք վերադարձել են, և զինված միջադեպ է բռնկվել։
Ականատեսները պատմել են, որ նա վիրավորվել է գլխի շրջանում: Տուժածն ինքն է օգնություն խնդրել։ Ըստ տեղեկությունների՝ նրա վիճակը բավարար է։
Նախաքննությունն սկսվել է Քրեական օրենսգրքի 120-րդ և 236-րդ հոդվածներով` դիտավորությամբ առողջությանը թեթև վնաս պատճառելը և ապօրինի կերպով հրազեն գնելը, պահելը և կրելը։
