Արևմուտքի նպատակը Ռուսաստանի վերացումն է․ Պուտին
Արեւմուտքը մեկ նպատակ ունի՝ վերացնել Ռուսաստանը։ Այս մասին կիրակի օրը՝ փետրվարի 26-ին «Ռոսիա-1» հեռուստաալիքի «Մոսկվա։ Կրեմլ։ Պուտին» հաղորդմանը տված հարցազրույցում ասել է նախագահ Վլադիմիր Պուտինը, հայտնում է «Կոմսոմոլսկայա պրավդան»։
«Նրանք մի նպատակ ունեն՝ կազմաքանդել նախկին Խորհրդային Միությունը եւ դրա հիմնական մասը՝ Ռուսաստանի Դաշնությունը,- ընդգծել է ՌԴ ղեկավարը,- Եվ այդ ժամանակ, գուցե, նրանք մեզ ընդունեն, այսպես կոչված, քաղաքակիրթ ժողովուրդների ընտանիք, բայց միայն յուրաքանչյուր մասն առանձին»:
ՌԴ նախագահի խոսքով, նույնիսկ նման «ընդունումը» կլինի միայն այն բանի համար, որ մասնատված մասերը բռնագրավեն, դրանք վերահսկեն։
Պուտինը նաեւ նշել է, որ այս ֆոնին Մոսկվան հաշվի է առնում ՆԱՏՕ-ի եւ նրա դաշնակիցների ներուժը, այդ թվում՝ միջուկային։
ՌԴ նախագահը հավելել է, որ Սպիտակ տան հայտարարած հակառուսական պայքարում ներգրավված ԱՄՆ արբանյակները չեն գիտակցում Վաշինգտոնի եսասիրական մտադրությունները։
