«Կապիտուլյանտ ռեժիմի պարագայում մենք էլ «գրոշի» արժեք չունենք». էդուարդ Շարմազանով
էդուարդ Շարմազանովը ֆեյսբուքյան իր էջում գրում է. «Հիմա ոչ 2016, ոչ 2017, ոչ էլ նույնիսկ 2020 թվականն է։
2023-ի եւ աշխարհը, եւ ռեգիոնը փոխվել ու ավելի պրոբլեմատիկ են դարձել։
Սպառնալիքներն ավելացել են։
Մենք ենք թուլացել։
Ու նման իրողության պայմաններում զարմանալի է ոչ միայն ռեժիմի, այլ նաեւ ոչ իշխանական որոշ գործիչների անիրատեսական գնահատականները։
Մի բան հիշեք. ուժն է ծնում իրավունք։
Հակառակորդներին, միջնորդներին եւ դաշնակիցներին պահանջներ դնելուց առաջ հաշվարկեք սեփական ուժերը։
Մեկը Ռուսաստանին է հաթաթա տալիս, մյուսը՝ Մինսկի խմբի համանախագահության վերականգնման պահանջ է դնում, էն մեկն էլ՝ բողոքում է երկակի ստանդարտներից։
Այ ձեր ցավը տանեմ, մենք բոլորս միասին մի Նիկոլի չենք կարողանում իշխանազրկել, ի՞նչ ենք խոսում էլի…
Երբ կձեւավորվի ազգային իշխանություն, այն ժամանակ էլ մեզ հետ հաշվի կնստեն բոլորը։
Իսկ կապիտուլյանտ ռեժիմի պարագայում մենք էլ «գրոշի» արժեք չունենք։
Դաժան է, բայց՝ արդար… երեւի։
Հ.Գ. Հաղթողներին էլ չեն դատում»։
