Փաստաթղթեր եմ բերել՝ Փաշինյանը ՊՆ 71 գույք վաճառում է, «Ստալիչնի պոլկն» էլ՝ մեջը. Գեղամ Մանուկյան
ԱԺ հերթական քառօրյան այսօր մեկնարկեց Գլխավոր դատախազ Աննա Վարդապետյանի ներկայացրած միջնորդության քննարկմամբ՝ Պաշտպանության նախկին նախարար Սեյրան Օհանյանին պատգամավորական անձեռնմխելիությունից զրկելու վերաբերյալ։
ԱԺ «Հայաստան» խմբակցության պատգամավոր Գեղամ Մանուկյանը փաստաթղթերով էր եկել խորհրդարան, լրագրողների հետ զրույցում նա մանրամասնեց, թե ինչ փաստաթղթեր են դրանք։
«Սեյրան Օհանյանի վերաբերյալ հիմնական շեշտը, որ դնում են, այն է, թե՝ տեսեք, վայ, զորամասեր են վաճառվել։
Բարեբախտաբար ՔՊ-ական պատգամավորը հարց ուղղեց Գլխավոր դատախազին, նա էլ անկեղծորեն պատասխանեց, որ այդ զորամասերը չգործող զորամասեր էին։ Ես բերել եմ մի փաստաթուղթ 2022 թվականի, ապրիլի 15, Նիկոլ Փաշինյանի ստորագրությամբ փաստաթուղթ է։ Պաշտպանության նախարարության թվով 71 գույք Պետական գույքի կառավարման կոմիտեին փոխանցելու, որպեսզի հետո վաճառվի։ Այստեղ 71 զորամասի հասցե է։ Երևանցիները շատ լավ կհիշեն, գոնե տարիքավորները՝ «Ստալիչնի պոլկն» էլ՝ մեջը, տարբեր քաղաքների զորամասեր»,- նշեց Գեղամ Մանուկյանը։
Մանրամասները՝ 168.am-ի տեսանյութում
