Կանադան Ուկրաինա է ուղարկել առաջին Leopard 2 տանկը
Կանադայի պաշտպանության նախարար Անիտա Անանդը Twitter-ի իր միկրոբլոգում հրապարակել է լուսանկարներ, որոնցում Ուկրաինա ուղարկելու համար բեռնված ինքնաթիռում առաջին Leopard 2 տանկն է։
«Կանադան կանգնած է Ուկրաինայի ժողովրդի կողքին, եւ մենք կշարունակենք Ուկրաինայի զինված ուժերին տրամադրել այն տեխնիկան, որն անհրաժեշտ է հաղթելու համար»,- գրել է Անանդը Twitter-ում․ «Կանադայի աջակցությունն Ուկրաինային անսասան է»։
Հունվարի 26-ին Անանդը հայտարարել էր, որ Կանադան Ուկրաինա կուղարկի չորս Leopard 2 տանկ։
Հայտարարությունը հնչել է մեկ օր անց այն բանից, երբ Գերմանիան հաստատել էր, որ մի քանի ամիս ուշացումից հետո 14 Leopard 2 տանկեր կողկի Ուկաինա։
Ավելի վաղ Պորտուգալիան նույնպես հայտարարել էր առաջիկայում Leopard 2 տանկերի Կիև տեղափոխման մասին։
