Երևանում կանցկացվի Silicon Mountains միջազգային տեխնոլոգիական գագաթնաժողովը
Երևանում դեկտեմբերի 9-ին կանցկացվի Silicon Mountains միջազգային տեխնոլոգիական գագաթնաժողովը։
Տեխնոլոգիական գագաթնաժողովը նվիրված է խելացի թվային լուծումների ներդրմանը տնտեսությունում։
Silicon Mountains տեխնոլոգիական գագաթնաժողովի ընթացքում հայ և արտասահմանցի փորձագետները քննարկում են չորրորդ արդյունաբերական հեղափոխության տեսլականը, տենդենցները, մարտահրավերները, կիսվում սեփական փորձով։
Այս անգամ կլինեն պանելային քննարկումներ «Խելացի տնտեսություն», «Խելացի բանկային համակարգ», «Խելացի կառավարում», «Խելացի ենթակառուցվածքներ» թեմաների շուրջ:
Միջոցառմանը սպասվում է 20-ից ավելի բանախոս, ավելի քան 200 մասնակից և 5000 օնլայն հանդիսատես։ Գագաթնաժողովը կազմակերպում է ՏՀՏ գործատուների միությունը:
