Սաուդյան Արաբիայում 12 մարդ է մահացել տեղատարափներից առաջացած հորդացումների պատճառով
Սաուդյան Արաբիայի իշխանությունները հայտնել են, որ 12 մարդ է զոհվել հեղեղումներից, որոնք առաջացել են երկրի հյուսիս – արեւմուտքում տեղատարափ անձրեւներից: Այդ մասին հայտնել է Associated Press-ը: Տուժել է ավելի քան 170 մարդ:
Վատ եղանակից ամենից շատ տուժել են Էլ Ջաուֆի օկրուգը Հորդանանի հետ սահմանին, ինչպես նաեւ Մեքքա, Թաբուք քաղաքները եւ երկրի հյուսիսային սահմանի երկայնքով ընկած շրջանները, հաղորդել է «Ինտերֆաքսը»:-
