ԱՄՆ Ազգային հետախուզությունն անդրադարձել է Լեռնային Ղարաբաղի հակամարտությանը
Միացյալ Նահանգների Ազգային հետախուզության տնօրինության գրասենյակը՝ Դեն Քոըթսի գլխավորությամբ հունվարի 29-ին հրապարակել է ԱՄՆ հետախուզության գնահատականը 2019թ. աշխարհում հնարավոր սպառնալիքների առնչությամբ: Հրապարակված զեկույցում անդրադարձ է կատարվել նաև Լեռնային Ղարաբաղի հակամարտությանը:
«Լեռնային Ղարաբաղի շուրջ լարվածությունը Հայաստանի և Ադրբեջանի միջև շարունակում է մնալ լայնամասշտաբ զինված հակամարտության պոտենցիալ աղբյուր, որը կարող է ներգրավել Ռուսաստանին»,-նշված է փաստաթղթում:
