«Մոնակոն» նշանակումից 3 ամիս անց կհեռացնի Թիերի Անրիին և կվերադարձնի Ժարդիմին
Ֆրանսիացուն հրավիրելը չարդարացրեց իրեն:
Մրցաշրջանը ձախողած «Մոնակոն» մոտակա 48 ժամում կկողմնորոշվի գլխավոր մարզիչ Թիերի Անրիի ապագայի հարցում:
Ըստ Daily Mirror-ի տեղեկության, «Մոնեգասկների» ղեկավարությունը հակված է ֆրանսիացու հեռացմանը, ում հետ ակումբը 3 ամսվա ընթացքում իջել է Լիգա 1-ի նախավերջին տեղը: Անրիի փոխարինման հիմնական հավակնորդը համարվում է Լեոնարդու Ժարդիմը, ով հեռացավ «Մոնակոյից» 2018թ. հոկտեմբերին:
«Մոնակոն» Անրիի օրոք պարտվել է 20 խաղերից 11-ում, դուրս է մնացել Ֆրանսիայի գավաթից, զբաղեցրել է վերջին տեղը ՉԼ-ի խմբային փուլում և դուրս է եկել Լիգայի գավաթի կիսաեզրափակիչ:
Պատրաստեց Անի Գաբուզյանը
