«Ռեալն» առաջարկություն է պատրաստում «Յուվենթուսի» աստղի վերաբերյալ
«Սերուցքայինները» նշանառության տակ են առել «Յուվենթուսի» աստղ Պաուլո Դիբալային:
Ինչպես հաղորդում է El Mundo Deportivo-ն, Մադրիդի «Ռեալը» լրջորեն մտածում է Պաուլո Դիբալայի ձեռքբերման մասին:
«Սերուցքայինների» համար առաջնային տարբերակը հանդիսանում է Իսկոյի փոխանակումը Դիբալայի հետ: Այնուամենայնիվ, եթե թուրինյան ակումբը հրաժարվի նման գաղափարից, մադրիդյան կողմը պատրաստ կլինի 25-ամյա արգենտինացու համար առաջարկել 102 մլն եվրո:
Հաղորդվում է, որ տվյալ տրանսֆերը կարող է կայանալ բացառապես մրցաշրջանի ավարտից հետո, քանի որ հիմա «Յուվեն» պատրաստ չէ լսել ոչ մի առաջարկ՝ կապված առանցքային ֆուտբոլիստների վաճառքի հետ:
Դիբալան «Յուվենթուսին» միացել է 2015թ. ամռանը 40 մլն եվրոյով: Այս ընթացքում ֆուտբոլիստը «Ծեր սենյորայի» կազմում անցկացրել է 165 խաղ, որոնցում դարձել է 75 գոլի և 29 փոխանցման հեղինակ:
Պատրաստեց Անի Գաբուզյանը
