Հովիկ Մուսայելյանը միաձայն ընտրվեց Պոլիտեխնիկի հոգաբարձուների խորհրդի նախագահ
«Սինոփսիս Արմենիա»-ի գործադիր տնօրեն Հովիկ Մուսայելյանն ընտրվեց Հայաստանի ազգային պոլիտեխնիկական համալսարանի հոգաբարձուների խորհրդի նախագահ:
Հունվարի 23-ին տեղի ունեցած «Հայաստանի ազգային պոլիտեխնիկական համալսարան» հիմնադրամի Հոգաբարձուների խորհրդի անդրանիկ նիստում Մուսայելյանն այդ պաշտոնում ընտրվեց միաձայն:
Նա շնորհակալություն հայտնեց իրեն վստահելու համար և ընդգծեց, որ համալսարանում կարևոր խնդիրներ կան, որոնք պետք է լուծվեն:
«Ես կարևորում եմ համալսարան-մասնավոր համագործակցությունը: Համալսարանի զարգացման համար շատ կարևոր է նաև պրոֆեսորադասախոսական կազմի որակների էլ ավելի բարձրացումը: Այս պահին հիանալի նվիրյալ դասախոսներ կան Պոլիտեխնիկում, ովքեր որակյալ կադրեր են պատրաստել: Սակայն, կարծում եմ, որ այսօր խնդիրը կայանում է նրանում, որ երիտասարդներից քչերն են ցանկանում մնալ համալսարանում և աշխատել»,- ասաց Մուսայելյանը և հավելեց, որ այդ ամենի հիմնական խնդիրն աշխատավարձերն են:
Հոգաբարձուների խորհրդի անդրանիկ նիստի ժամանակ ընտրվեց նաև քարտուղար՝ Ալեքսանդր Դռնոյանը, ում թեկնածությունը նույնպես միակն էր:
