«Արսենալը» հրաժարվել է Դենիս Սուարեսին գնելու մտքից
«Բարսելոնայի» կիսապաշտպան Դենիս Սուարեսի տեղափոխությունն «Արսենալ», հնարավոր է, չկայանա: Հիշենենք, որ Սուարեսը պետք է տեղափոխվեր լոնդոնյան ակումբ հունվարին՝ վարձակալական հիմունքներով:
Կատալոնացիները պատրաստ են բաց թողնել 25-ամյա իսպանացուն միայն այն պայմանով, որ մրցաշրջանի վերջում լոնդոնյան ակումբը պարտավոր է գնել Սուարեսին: Սակայն «Արսենալը» համաձայն չէ այս պայմաններին:
Նշվում է նաև, որ լոնդոնյան ակումբի գլխավոր մարզիչ Ունայի Էմերին արդեն իսկ պայմանավորվել է Դենիս Սուարեսի հետ՝ ընդհանուր ծանոթների միջոցով:
Հիշեցնենք, որ Դենիս Սուարեսը «Արսենալ» տեղափոխվելու դեպքում կլիներ Հենրիխ Մխիթարյանի հավանական փոխարինողը: Անգլիական մամուլը գրում էր, որ Սուարեսի տեղափոխությունից հետո Մխիթարյանը կլքի «Արսենալը»:
Սիրարփի Աղաբաբյան
