ՄԱԿ-ի հատուկ հանձնակատար Պեդերսենն առաջին այցով ժամանել է Դամասկոս
Սիրիայի խնդրով ՄԱԿ-ի հատուկ հանձնակատար Գեյր Պեդերսենը հունվարի 15-ին ժամանել է Դամասկոս, որտեղ կանցկացնի մի քանի օր: Այդ մասին ՌԻԱ Նովոստիին հայտնել է իրազեկ մի աղբյուր:
«ՄԱԿ-ի հատուկ հանձնակատար Պեդերսենը ժամանել է Դամասկոս: Այցը կտեւի մեկ օրից ավելի»,-ասել է աղբյուրը: Հատուկ հանձնակատարի մամուլի ծառայությունը Twitter-ում հայտարարել է, որ Պեդերսենն «արդյունավետ հանդիպումներ է ակնկալում» Դամասկոսում:
Սիրիայի ԱԳ նախարարության ղեկավարի օգնական Այման Սուսանը հունվարի 13-ին հայտարարել էր, որ Պեդերսենը կայցելի Դամասկոս, որտեղ սիրիական իշխանությունները նրան կհավաստեն համագործակցելու իրենց պատրաստակամությունը: Պեդերսենն իր պարտականությունների կատարմանը ձեռնամուխ է եղել հունվարի 7-ին, սա նրա առաջին աշխատանքային ուղեւորությունն է եւ առաջին այցը Դամասկոս:
