Լոս Անջելեսի հարյուրավոր դպրոցների 30 հազարից ավելի ուսուցիչներ գործադուլ են սկսել. NYT
Լոս Անջելեսի (Կալիֆոռնիայի նահանգ) 900 միջնակարգ դպրոցների ավելի քան 30 հազար ուսուցիչներ հունվարի 14-ին գործադուլ են սկսել: Դա բողոքի առաջին նման ակցիան 1 վերջին գրեթե երեք տասնամյակի ընթացքում: Այդ մասին հայտնել է The New York Times (NYT) թերթը:
Թերթի տեղեկատվությամբ՝ ուսուցիչները պահանջում են բարձրացնել աշխատավարձերը, կրճատել դպրոցական դասարանները եւ հավելյալ դասատուներ ու գրադարանավարներ վարձել:
2017 – 2018 թվականներին Կալիֆոռնիայում դպրոցական ուսուցչի աշխատավարձը հասել է տարեկան 75 հազար դոլարի: Երկրում այդ միջին ցուցանիշը կազմում է շուրջ 59 հազար դոլար:
Հրատարակության տվյալներով՝ գործադուլն ազդում է շուրջ 500 հազար աշակերտների վրա: Դպրոցները շարունակում են աշխատանքը, քանի որ քաղաքային իշխանությունները բողոքի ակցիայի ընթացքում լրացուցիչ անձնակազմ են վարձել: Ծնողների մեծ մասը, սակայն, որոշել են իրենց երեխաներին թողնել տանը, հաղորդել է ՏԱՍՍ-ը:
