Աբիդալն արգելափակել է Մորատայի տեղափոխությունը «Բարսելոնա»
«Բարսելոնան» մտադիր չէ այս տարվա ձմռանն իր թիմ հրավիրել «Չելսիի» հարձակվող Ալվարո Մորատային:
Խաղացողի ներկայացուցիչ Խուանման Լոպեսն այս ամիս հանդիպումներ է ունեցել մի քանի իսպանական ակումբների ներկայացուցիչների հետ:
26-ամյա հարձակվողի համար պայքարում հիմնական հավակնորդները «Սևիլիան» և «Ատլետիկոն» են, սակայն նախկինում հաղորդվել էր, որ կատալոնական «Բարսելոնան» ցանկանում է վարձակալական հիմունքներով ստորագրել ֆոտբոլիստին:
Սակայն կատալոնական ակումբի մարզական տնօրեն Էրիկ Աբիդալը բացառել է այդ տեղափոխության հնարավորությունը:
Այս որոշման պատճառներից մեկը ֆինանսական բաղադրիչն է. Մորատայի վեցամսյա վարձավճարը գնահատվում է 5 մլն եվրո: Նրա աշխատավարձը ևս կավելանա այդ գումարին:
«Բարսելոնայի» ղեկավարությունը նախատեսում է գտնել ավելի երիտասարդ հարձակվողի, ով կարող է սովորել կենտրոնի առաջատար Լուիս Սուարեսից:
Սիրարփի Աղաբաբյան
