Անցակետում կուտակված է մոտ 238 մեքենա՝ 158 բեռնատար, 79 մարդատար և 1 ավտոբուս, որոնցում գտնվում է շուրջ 285 մարդ. Լարսը փակ է
Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ հունվարի 11-ին՝ ժամը 15:30-ի դրությամբ, Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար:
ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն՝ անցակետում կուտակված է մոտ 238 մեքենա՝ 158 բեռնատար, 79 մարդատար և 1 ավտոբուս, որոնցում գտնվում է շուրջ 285 մարդ:
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
