Պուեբլայի նահանգապետը և նրա ամուսինը զոհվել են ավիաաղետից
Պուեբլայի նահանգապետ Մարթա Էրիկա Ալոնսոն եւ նրա ամուսինը՝ Ռաֆայել Մորենո Վալիեն, զոհվել են ուղղաթիռի կործանման հետեւանքով: Դա հավաստել է Մեքսիկայի նախագահ Անդրես Մանուել Լոպես Օբրադորը:
«Խորին ցավակցությունս սենատոր Ռաֆայել Մորենո Վալիեի եւ նրա կնոջ՝ Պուեբլայի նահանգապետ Մարթա Էրիկա Ալոնսոյի հարազատներին»,- գրել է Մեքսիկայի նախագահն իր թվիթերում:
Նա նշել է, որ պարտավորվում էհետաքննել պատահարի պատճառները:
Մարթա Էրիկա Ալոնսոն, որը Պուեբլայի կենտրոնական նահանգի նահանգապետի պաշտոնն զբաղեցրել էր ընդամենը 10 օր, եւ նրա ամուսինը՝ սենատոր Ռաֆայել Մորենոն, զոհվել են, երբ նրանց ուղղաթիռն ընկել է նահանգի մայրաքաղաք Պուեբլայից ոչ հեռու:
Ալոնսոն Ազգային գործողության կուսակցությունից պաշտոնն ստանձնել էր ամսվա սկզբին բուռն վիճարկվող ընտրություններից հետո, հաղորդել է «Ինտերֆաքս»-ը:
