«Ես ուրիշ քաղաքական ուժերի գործունեությունը չեմ ուզում մեկնաբանել». Նիկոլ Փաշինյան
Վարչապետի պաշտոնակատար Նիկոլ Փաշինյանը հրաժարվում է մեկնաբանել «Բարգավաճ Հայաստան» և «Լուսավոր Հայաստան» կուսակցությունների միջև վերջին շրջանում տեղի ունեցող բանավեճը:
«Ես ուրիշ քաղաքական ուժերի գործունեությունը չեմ ուզում մեկնաբանել, հույս ունեմ Ազգային ժողովում կձևավորվի գործընկերային մթնոլորտ»,- ասաց Նիկոլ Փաշինյանը Վանաձորում լրագրողների հետ զրույցում:
Անդրադառնալով «Լուսավոր Հայաստանի» պնդումներին, թե պետք է ԱԺ հանձնաժողովներից մի քանիսը տրվեն ընդդիմությանը՝ Փաշինյանն ասաց. «ԱԺ հանձնաժողովները բաշխվում են բանաձևով և այդպես էլ կլինի»:
