Նիկոլ Փաշինյանի ամանորյա ուղերձի հեռարձակման ձևաչափի մի քանի տարբերակ է քննարկվում
ՀՀ վարչապետի պաշտոնակատար Նիկոլ Փաշինյանի Ամանորի ուղերձի հեռարձակման ձևաչափի մի քանի տարբերակ է քննարկվում: «Արմենպրես»-ի հետ զրույցում այս մասին հայտնեց վարչապետի մամուլի քարտուղար Արման Եղոյանը:
Հարցին` արդյոք ճիշտ է այն տեղեկությունը, որ վարչապետի պաշտոնակատարի Ամանորի ուղերձը լինելու է ուղիղ եթերում ու Հանրապետության հրապարակից, Արման Եղոյանը ոչ դրական, ոչ էլ բացասական պատասխան տվեց:
«Վարչապետի ելույթի տարբեր տարբերակներ կան, հիմա քննարկման փուլում են: Վերջնական տարբերակ չկա»,- ասաց Եղոյանը:
