Կանադայում փոթորկի պատճառով առանց լույսի են մնացել գրեթե 300 հազար սպառողներ
Կանադայի հարավի Բրիտանական Կոլումբիայի նահանգում գրեթե 300 հազար սպառողներ առանց լույսի են մնացել սաստիկ փոթորկի պատճառով: Այդ մասին հայտնել է BC Hydro տեղական էներգետիկական ընկերությունը:
«Տեղական ժամանակով ժամը 21:00-ի (Երեւանի ժամանակով (դեկտեմբերի 21-ի 09:00-ի) տվյալներով, շուրջ 260 հազար սպառողներ առանց լույսի են մնում Լոուեր-Մեյնլենդի, Ֆրեյզեր-Վելիի, Սանշայն Քոստի շրջաններում, ինչպես նաեւ Վանկուվեր կղզում»,- հայտնել է ընկերությունը Twitter-ում:
Ինչպես նշել է CTV հեռուստաալիքը, դեկտեմբերի 20-ին սաստիկ փոթորիկ է մոլեգնել Բրիտանական Կոլումբիայի նահանգի հարավային մասում: Ուժեղ քամին, որի արագությունը վայրկյանում գրեթե 30 մետր էր, արմատախիլ է արել ծառերը: Բազմաթիվ չվերթներ չեղարկվել են, լաստանավային հաղորդակցությունը նույնպես դադարեցվել է, հաղորդել է ՌԻԱ Նովոստին:
