Արայիկ Հարությունյանը՝ «Իմ քայլը» դաշինքի անդամին Տնտեսագիտական համալսարանի ռեկտորի ժամանակավոր պաշտոնակատար նշանակելու մասին
Տնտեսագիտական համալսարանի ռեկտորի ժամանակավոր պաշտոնակատարի պաշտոնում Ռուբեն Հայրապետյանը նշանակվել է իր գիտելիքների շնորհիվ: Նման հավաստիացում այսօր կառավարությունում լրագրողների հետ զրույցում արեց ԿԳ նախարարի պաշտոնակատար Արայիկ Հարությունյանը՝ հերքելով, որ Հայրապետյանի նշանակումը պայմանավորված է նրա՝ «Իմ քայլը» դաշինքի անդամ լինելու հանգամանքով:
«Պարոն Հայրապետյանը դոկտոր, պրոֆեսոր է, 31 տարեկան և, կարծում եմ, այս հանգամանքը միայն բավարար է պատշաճ կերպով նրա կարողությունները, գիտելիքները, հմտությունները գնահատելու համար», – ասաց նա:
Ըստ Ա.Հարությունյանի՝ քաղաքական որևէ գործոն այստեղ չկա:
