«Տեսա՞ք, որ հայտնաբերվեց, աչքներդ լույս». Վալերի Օսիպյանը՝ Նարեկ Սարգսյանի մասին
Ոստիկանության պետ Վալերի Օսիպյանն այսօր կառավարության նիստից հետո լրագրողներին աչքալուսանք տվեց՝ Նարեկ Սարգսյանի հայտնաբերման ու ձերբակալության կապակցությամբ:
«Տեսա՞ք, որ հայտնաբերվեց, աչքներդ լույս»,- ասաց նա:
Նախկին ոստիկանապետ Վլադիմիր Գասպարյանի նկատմամբ հարուցված քրեական գործին Օսիպյանը հրաժարվեց անդրադառնալ՝ պատճառաբանելով, որ մանրամասներին չի տիրապետում:
Հարցին, թե Մարտի 1-ի գործով քննչական խմբի նախկին ղեկավար Վահագն Հարությունյանին ինչո՞ւ չեն հայտնաբերում, եթե նա ասում է իր գտնվելու վայրը, հարցազրույցներ է տալիս, Վ.Օսիպյանը պատասխանեց.
«Ի՞նչ գիտեք՝ ոստիկանությունն այդ մասով ինչ է անում»:
Ըստ նրա՝ ՌԴ-ն այսօր մոլորակի ամենամեծ վարչական տարածք ունեցողն է, իսկ յուրաքանչյուր դեպքի հայտնաբերման համար ուղղակի ժամանակ է պետք:
