Սուլշերը հինգշաբթի կանցկացնի իր առաջին մարզումը թիմի հետ

Ինչպես գրում է Mirror-ը, «Մանչեսթեր Յունայթեդի» նորանշանակ մարզիչ Օլե-Գունար Սուլշերն արդեն Մանչեսթերում է:

Ըստ աղբյուրի տեղեկության՝ նոր մարզչի գլխավորությամբ թիմի առաջին մարզումը տեղի կունենա այսօր՝ դեկտեմբերի 20-ին:

Հիշեցնենք, որ նորվեգացու հետ միասին մարզչական շտաբում աշխատելու են Մայքլ Ֆելանը, ինչպես նաև Մայքլ Կերիկը և Քիրան Մաքքեյնը:

Սուլշերը «Մանչեսթեր Յունայթեդի» կազմում հանդես է եկել 1996-2007թթ.: Նա Անգլիայի առաջնության վեցակի չեմպիոն է, երկու անգամ նվաճել է Անգլիայի գավաթը, հաղթել է ՈՒԵՖԱ-ի Չեմպիոնների լիգան, երկու անգամ նվաճել է Անգլիայի Սուպերգավաթը, և մեկ անգամ՝ Միջմայրցամաքային գավաթը:

ԱՊԼ-ի 17 տուրերից հետո հավաքելով 26 միավոր՝ «Մանչեսթեր Յունայթեդը» զբաղեցնում է մրցաշարային աղյուսակի 6-րդ հորիզոնականը:

https://twitter.com/utdxtra/status/1075512009637150722

Պատրաստեց Անի Գաբուզյանը