20 000 դրամի չափով տուգանք՝ երթուղային տրանսպորտով անտոմս երթևեկելու համար
Ընդհանուր օգտագործման երկաթուղային տրանսպորտով անտոմս երթևեկելը` առաջացնում է տուգանքի նշանակում` 20 հազար դրամի չափով: Այս մասին է սահմանում վարչական իրավախախտումների մասին օրենսգրքի 137-րդ հոդվածը:Հինգից մինչև տասը տարեկան անտոմս երեխաներ փոխադրելը`առաջացնում է տուգանքի նշանակում՝ մերձքաղաքային գնացքներով` 300 դրամի չափով, տեղական և հեռավոր հաղորդակցության գնացքներով` 500 դրամի չափով:Անտոմս ուղևորների թռիչքը` առաջացնում է տուգանքի նշանակում` 200 հազար դրամի չափով:
Ուղևորների անտոմս երթևեկելը տրոլեյբուսով, ներհամայնքային կանոնավոր ուղևորափոխադրումներ իրականացնող ավտոբուսներով (միկրոավտոբուսներով), մետրոպոլիտենով` առաջացնում է տուգանքի նշանակում տվյալ երթուղում սահմանված տոմսի արժեքի կրկնապատիկի չափով:
Նշենք նաև, որ տուգանքի վճարումը ուղևորին չի ազատում ուղևորության և թռիչքի արժեքը վճարելուց:
Եվգենյա Համբարձումյան
