««Բարսելոնայի» հանդերձարանում Դեմբելեի հետ խնդիրներ չկան». Ալբա
Կատալոնական «Բարսելոնայի» պաշտպան Ժորդի Ալբան մեկնաբանել է կիսապաշտպան Ուսման Դեմբելեի անվան հետ կապված կարգապահական խնդիրները:
«Ուսմանը շատ կարևոր է մեզ համար: Բոլորն էլ սխալվում են: Բայց հանդերձարանում Դեմբելեի հետ խնդիրներ չկան:
Նրա մոտ խաղադաշտում ամեն ինչ ստացվում է: Նա դեռ շատ ավելացնելու տեղ ունի, բայց մենք գոհ ենք նրանից»,- նշել է Ալբան:
Նշենք, որ օրերս Ուսման Դեմբելեն ներողություն էր խնդրել թիմակիցներից: Կիրակի օրը 21-ամյա հարձակվողը 2 ժամ ուշացել էր «Բարսելոնայի» մարզումից, քանի որ քնած էր մնացել:
Ավելի վաղ Դեմբելեն Չեմպիոնների լիգայի խաղերից մեկն անցկացրել էր պահեստայինների նստարանին, քանի որ ուշացել էր թիմի հավաքից: Օրեր անց նա չէր գնացել մարզմանը՝ առանց նախապես զգուշացնելու: Իսկ թիմի ամբողջ կազմը փնտրել էր նրան:
Սիրարփի Աղաբաբյան
