««Մանչեսթեր Յունայթեդը» «Լիվերպուլի»  հետ խաղում չի լինի ետնապահ: Մենք ցանկանում ենք հաղթել». Ռեշֆորդ

«Մանչեսթեր Յունայթեդի» հարձակվող Մարկուս Ռեշֆորդը «Լիվերպուլի»  հետ հանդիպումից առաջ կիսվել է իր ակնկալիքներով:

««Մանչեսթեր Յունայթեդը» «Լիվերպուլի»  հետ խաղում չի լինի ետնապահ: Մենք ցանկանում ենք հաղթել, ինչպես ցանկացած խաղում:

«Լիվերպուլը» լավ թիմ է: Շնորհիվ ինտենսիվության,նրանք շատ դժվար են  դարձնում խաղը, բայց մենք պետք է հաղթահարենք դա և փորձենք ավելի լավ խաղալ: Բայց ես կարծում եմ, որ կարևոր է կենտրոնանալ մեզ վրա, տեսնել, թե ինչպես կարող ենք վնասազերծել նրանց և խփել մի քանի գնդակ:

Կարծում եմ, Մոուրինիոն իրեն նման խաղերից առաջ մի փոքր այլ կերպ է պահում: Բոլորս էլ նման պահվածք ունենք: Նման խաղից առաջ յուրաքանչյուր ոք ունի հատուկ տրամադրություն և հուզմունք: Մենք չենք կարող թաքցնել դա:

Բայց Ժոզեն հաղթող է, գիտեք: Առաջնորդելով մեզ՝ նա միայն մտածում է հաղթանակների, հաղթելու միջոցների մասին, և, թե ինչ պետք է անել հաղթելու համար: Այս երեք կետերն ամենից կարևորն են»,- նշել է Ռեշֆորդը:

Այժմ «Լիվերպուլը» գլխավորում է Պրեմիեր Լիգայի մրցաշարային աղյուսակը, իսկ «Մանչեսթեր Յունայթեդը» 16 փուլից հետո 6-րդ տեղում է:

Սիրարփի Աղաբաբյան