Հարմարավետ բնակարանը՝ երազանք
Tsayg.am-ը գրում է. Արդեն 18 տարի Սևյան 119/090 հասցեի տնակում է ապրում Խաչատրյանների ընտանիքը: Կոմունալ հարմարություններից զուրկ ու մեկուսացված ապրելուն արդեն հարմարվել են, բայց գնալով գոյատևելու պայմաներն այստեղ անհնարին են դառնում, պետության կողմից հատկացվող միակ օգնությունը՝ նպաստն արդեն մի քանի ամիս է, ինչ չեն ստանում: Տանն ապրում է 6 չափահաս անձ՝ տիկին Գոհարը, 4 տղաներն ու հարսը, բայց նրանցից ոչ մեկն աշխատանք չունի: Բազմիցս փորձել են աշխատանքի տեղավորվել սակայն չեն կարողացել: Արդեն գոյացած պարտքեր ունեն: Իսկ հացի գումար մետաղներ ու շիշ հավաքելով և հանձնելով են հայթայում:
