Առաջիկա 20 տարում աշխարհում ավիաուղևորների թիվը կարող է կրկնապատկվել
Մինչեւ 2037 թվականն աշխարհում ավիաուղեւորների թիվը կարող է կրկնապատկվել եւ կազմել 8,2 միլիարդ: Այդ մասին հայտնել է Օդային տրանսպորտի միջազգային ասոցիացիան (IATA):
IATA-ն նորացրել է առաջիկա քսան տարում ավիաճյուղի զարգացման՝ իր կանխատեսումը: Վերլուծաբանների կարծիքով՝ մոտավորապես երկու տասնամյակի ընթացքում ուղեւորային ավիափոխադրումների շուկան կաճի տարեկան միջին հաշվով 3,5 տոկոսով, ինչը կհանգեցնի հաճախորդների թվի կրկնապատկման եւ նոր աշխատատեղերի ստեղծման:
IATA-ի կանխատեսումներով՝ Չինաստանն աշխարհի խոշորագույն ավիացոն շուկայի դիրքից ԱՄՆ-ին դուրս կմղի 2020-ական թվականների կեսերին: Հնդկաստանը մինչեւ 2024 թվականը կզբաղեցնի երրորդ տեղը՝ առաջատարների եռյակից դուրս մղելով Մեծ Բրիտանիային:
IATA-ի սցենարի համաձայն՝ 2017 թվականից մինչեւ 2037 թվականը Չինաստանը կաճի մեկ միլիարդ նոր ուղեւորներով եւ դրանց թիվը կհասցնի 1,6 միլիարդի: ԱՄՆ-ը կստանա 481 միլիոն նոր ուղեւոր, եւ նրանց ընդհանուր թիվը կհասնի 1,3 միլիարդի: Հնդկաստանը կավելացնի 414 մլն նոր ուղեւորներ եւ իր ծավալները կհասցնի 572 միլիոնի, հաղորդել է ՌԻԱ Նովոստին: