«Դերբիում ավելի շատ խաղում են սրտով, քան ուղեղով». Վալվերդե
«Բարսելոնայի» գլխավոր մարզիչ Էռնեստո Վալվերդեն կիսվել է իր ակնկալիքներով Իսպանիայի առաջնության 15-րդ տուրի՝ «Էսպանյոլի» հետ խաղից առաջ:
«Սա հավասար դերբի է, թիմերի միջև հեռավորությունն այնքան էլ մեծ չէ: Դերբիում ավելի շատ խաղում են սրտով, քան ուղեղով: Չնայած վերջին տնային պարտությանը՝ «Էսպանյոլը» շատ ուժեղ է տանը: Սա մեզ համար կրակով փորձություն կլինի, բայց այս միավորները մեզ համար ավելի են արժևորվում:
Հուսով եմ, որ մարզադաշտում և խաղադաշտում կլինի հարգանքի մթնոլորտ: Դաշտում չկան ընկերներ:Պետք է անցկացնել խաղը և հետո շնորհավորել հաղթողին: Դրսում միշտ ավելի շատ աղմուկ կա, քան խաղադաշտում:
Հիմա շատ դժվար է մեզ հաղթելը: Մրցակցի՝ մեր նկատմամբ տոնած վերջին հաղթանակից հետո շատ ժամանակ է անցել: Ռուին պետք է սա օգտագործի՝ որպես մոտիվացիա իր ֆուտոլիստների համար: Դերբիում հաղթելն աննկարագրելի է, բայց ավելի աննկարագրելի է այն սեփական հարկի տակ հաղթելը»,- նշել է Վալվերդեն:
Սիրարփի Աղաբաբյան
