Դիեգո Կոստան կարող է շարունակել կարիերան Չինաստանում
Ինչպես հաղորդում է Diario AS-ը, Մադրիդի «Ատլետիկոյի» հարձակվող Դիեգո Կոստան կարող է հեռանալ թիմից առաջիկա ձմեռային տրանսֆերային պատուհանի ժամանակ:
Ըստ աղբյուրի տվյալների՝ չինական «Տյանցզին Ցյուանցզյանը» ֆուտբոլիստի համար ֆինանսական գայթակղիչ առաջարկ է պատրաստում: Հարձակվողի գործակալն արդեն տեղեկացրել է մադրիդյան ակումբի ղեկավարներին, որ իր հաճախորդը պատրաստվում է հեռանալ: Իսպանացին դժգոհ է իր աշխատավարձից:
Ընթացիկ մրցաշրջանում իսպանացին «Ատլետիկոյի» կազմում մասնակցել է 15 հանդիպման բոլոր մրցաշարերում, դարձել է 4 գոլի և 2 գոլային փոխանցման հեղինակ:
Պատրաստեց Անի Գաբուզյանը
