Բոլիվիայի դատարանը հավանություն տվեց չորրորդ նախագահական ժամկետի համար Մորալեսի առաջադրմանը
Բոլիվիայի Գերագույն դատարանը դեկտեմբերի 4-ին գործող նախագահ Էվո Մորալեսին եւ փոխնախագահ Ալվարո Գարսիային թույլատրել է իրենց թեկնածություններն անընդմեջ չորրորդ ժամկետի համար քվեարկության դնել սկզբնական ընտրություններում, որոնք նշանակված են 2019 թվականի հունվարին: Այդ մասին հայտնել է Diario հրատարակությունը:
Երկրում ընդհանուր ընտրությունները կկայանան հոկտեմբերին: Ընդդիմությունը մարդկանց կոչ է արել բողոքի ակցիաներ սկսել:
Դեկտեմբերի 4-ին փողոց են դուրս եկել բողոքավորները՝ հանդես գալու «հանուն ժողովրդավարության» եւ կոչ անելու հարգել 2016 թվականի հանրաքվեի արդյունքները, որի մասնակիցները մերժեցին վերընտրվելու հնարավորություն տալ Մորալեսին, հաղորդել է ՌԻԱ Նովոստին:
