Աստծու մասին Էյնշտեյնի նամակը վաճառել են 3 մլն դոլարով
Ալբերտ Էյնշտեյնի նամակն Աստծու մասին Նյու Յորքում գրեթե 3 միլիոն դոլարով վաճառվել է Christie՚s-ի աճուրդում: Այս մասին աճուրդային տունը հայտնել է «Թվիթերում»։
«Դա Էյնշտեյնի ամենահայտնի նամակն է Աստծու, իր հրեական ինքնության եւ մարդու կողմից կյանքի իմաստի հավերժական որոնման մասին»,- ասված է լոտի նկարագրության մեջ:
Հաղորդվում է, որ գիտնականն այդ ուղերձը գրել է 1954 թվականին, այսինքն՝ իր մահվանից մեկ տարի առաջ: Այն հասցեագրված է գերմանացի փիլիսոփա Էրիկ Գուտկինդին:
«Աստված» բառն ինձ համար ավելին չէ, քան մարդկային թուլությունների արտահայտությունն ու արդյունքը, Աստվածաշունչը՝ երկրպագվող, բայց տակավին բավականին պրիմիտիվ ավանդազրույցների ժողովածու: Ոչ մի կարգի մեկնություն, անկախ այն բանից, թե որքան նրբիմաստ է այն, ինձ համար չի կարող որեւիցե բան փոխել դրանում»,- գրել է Էյնշտեյնը:
#AuctionUpdate: Albert Einstein’s God Letter sold at Christie’s New York for $2,892,500, against a high estimate of $1.5 million. https://t.co/yRdlqrtbLc
— Christie's (@ChristiesInc) December 4, 2018
